Jazz at Berlin Philharmonic IV
«Accordion Night»
ACT (Musikkoperatørene)
Først spelte han folketonen «Horgalåten» solo, så slepte han seg laus med den polske fiolinisten Adam Baldych i den forrykande «Oriental Hoedown» signert Ola Kvernberg. Den heidundrande konserten 15. februar var den fjerde i Jazz at Berlin Philharmonic-serien, omtalt som ein historisk parallell til Jazz at The Philharmonic-konsertane til Norman Grantz. Trekkspelet accordion har både i Europa og ikkje minst Sør-Amerika fått ein «klassisk» status han høyrer heime i. Når alle musikarane saman avslutta konserten, var pioneren Astor Piazollas «Libertango» sjølvskriven.
Det opna med akkordionisten Klaus Paier i duo med cellisten Asja Valcic i «Tango Loco». Régis Gizavo er ein trekkspelar som lærde seg faget på gatene i Madagaskar, med musikk han høyrde av både portugisisk og sørafrikansk opphav, i sterkt samspel med fransk-vietnamesiske gitaristen Nguyên Lê. Tredje konstellasjon på scena var akkordionist Vincent Peirani og sopransaksofonist Emile Parisien, med Sidney Bechet og Peiranis eigen «3 Temps pour Michel’P», kvelden slutta i Piazollas ånd.
På trommer for ACT
I sitt femtiande år (fødd 4. august 1965), er trommeslagaren Terry Line Carrington som spelte med jazzeliten alt i tenåra, stadig i støyten. «The Act Years» (Act/ Musikkoperatørene) er frå tre plater i 2002 og 2004. «Jazz Is A Spirit» kom i 2002, oppfølgjaren «Structure» i 2004, og ho spela på gitaristen Nguyèns Lês «Celebrating Jimi Hendrix». Det siste store albumet hennar er «Money Jungle: Provocative in Blue» (Concorde) i 2012, som eit femtiårsminne for Duke Ellingtons trioalbum frå 1962 med Charles Mingus og Max Roach.
Meir Jazz i Berlin
«Jazz at Berlin Philharmonic I» er med pianistane Iiro Rantala, Leszek Mozdzer og Michael Wollny, II: «Norwegian Woods»med Solveig Slettahjell, Bugge Wesseltoft, Knut Reiersrud, In The Country, III: «Leszek Mozdzer & Friends».