Kultur

Tour de All Ears

Den fjortande festivalen for opne øyre gjekk i går i mål med glans på Henie Onstad Kunstsenter.

Den grenselause norske kvartetten Spunk og den australske pianisten og elektroakustiske musikaren Anthony Pateras avslutta årets utgåve av festivalen som såg dagens lys i 2002.

Opninga torsdag var i Oslo Domkyrkje, først med Eivind Lønning, norsk jazztrompetist med minimalistisk stil med den italienske trommeslagaren Enrico Matatesta. Før den skotske sekkepipeutøvaren Erwan Keravec sytte for sterk temperaturstiging midtskips, før organist og komponist Nils Henrik Asheim let orgelpipene syngje i mange fasettar.

 

Astrup Fearnley

Det var ei høgtidssam opning, før festivalen som før heldt hus i Vulkan-området i Oslo rykka inn i lokalet Fabrikken i Astrup Fearnley kunstsenter. Med to konsertsalar var festivalen ei vandring fram og attende mellom ei mest akustisk scene med sitjeplassar, til mest ståkonsertar i rommet for elektronika og støy.

Slik kunne opne øyre også kvile, då at kombinasjonen med duoane SKRAP og G.E.K. fyrte av første salve med tubaist Heidi Karine Mobeck og no elektronikar Anja Lauvdal (SKRAP), Johanna Lund på saksofon og Maria Bertel på trombone (G.E.K.). Mitt første kick var med den britiske kvartetten med veteranane Trevor Watts (saksofon) og Veryan Weston (piano) i gnistrande samspel med bassist Dominic Lash og trommeslagar Terry Day.

 

Festivalens höydare

Intuisjon er improvisasjonens varemerke, elektronikar Lasse Marhaug kan lage eit band åleine, men denne gongen var han i selskap med cellist Okkyung Lee og C. Spencer Yeh som ikkje berre spelar fele, men kan spele med ein boge i kvar hand. Laurdagen baud ikkje berre på den utagerande Berlin-baserte kvartetten Barcode med Annette Giesriegel (stemme/elektronikk), Elisabeth Harnik (piano), Alison Blunt (fiolin) og Josef Klammer (trommer og elektronikk), og Stephen O‘Malleys duo med trommeslagar Stephen Noble. Festivalens höjdare var bassmøtet (!) mellom franske Joelle Leandre og vår Michael Duch, der Leandre ikkje berre er ein gnistrande utøvar i instrumentets grenseland med bruk av flageolettar, men også som utøvar av pantomime-kunst i tradisjonen til filmens Jacques Tati.

Med desse glimta frå ein festval med eit veksande ungt publikum bokfører vi ein ny suksess for All Ears.

Mer fra Dagsavisen