Når MaiJazz haustar grøden

STAVANGER (Dagsavisen): Tysdag opna den fransk-afrikanske trommeslagaren Manu Katché festivalen med sin internasjonale kvintett. I går stod barna i sentrum på festivalen med festivalens nye Kids in Jazz-satsing med barn mellom sju og 14 år i sentrum.

Då Dagsavisens kom på banen torsdag, var det duka for festivalens store arrangement, med Bugge Wesseltofts «New Conception of Jazz» saman med Bjergsted Jazz Ensemble til festivalens storkonsert. Det var samstundes eit tjueårs-jubileum for Bugge Wesseltofts banebrytande album, med musikken til Wesseltoft framført av heile ensemblet, med fire kvinner sentralt i det nye bandet. Med Marthe Lea på saksofon, Oddrun Lilja-Jonsdottir på gitar, Sanskriti Shestha på tabla, og Siv Øyunn Kjenstad på trommer. Med Wesseltoft sjølv i spissen, Tor Ytredal og Tore Johansen som musikalske leiarar.

Polsk kanon

Med eit tital spennande konsertar i opninga med namn som Anneli Drecker, Marius Neset, Mats Gustavsson og Olga Konkova på plakaten, kom eit av festivalens store høgdepunkt, med Helge Lien Trio saman med den polske felespelaren Adam Baldych. Dei fire har alt gitt ut plate, og festivalen spennande scene Spor 5 var vitne til  ei ekstraordinær oppleving. Med Baldych i fotefara til Mikail Urbaniak,  polsk pioneren på elektrifiserte fele.

Legg til Paolo Fresu på trompet i duo med gitarjazzens grand old man Ralph Towner (tidlegare Oregon), og det var duka for festivalens tradisjonelle kveldssete med unge musikantar i fleng. Eit høgdepunkt i den leia var saksofonist Hanna Paulsberg saman med bandet Nova, eit band med komponist Ingrid Dyrnes Svendsen som sterk vokalist, på norsk!

På ein fredag då vi endeleg fekk oppleve den israelske Avishai Cohen live, med nytt album i bagasjen, i trio med bassen i ei førande instrumental rolle, i trio med pianist Omri Mor og trommeslagar Daniel Dor. Cohen har før vore i Noreg med Chick Corea, som ekstranummer var han også vokalist i Nat King Cole-stilen.

Alt dette blir spreidde glimt frå ein festival med ymse arrangement både i gudshus, på fyr og andre scener utomhus.

Grøden

Stavanger med omland er ein by med mange scener, satsinga på prosjekt med byens Bjergsted Jazz Ensemble blir permanent. Med Jaga Jazzist som sikker vinnar på Folken, med Steinar Aadnekvam, Elephant 9 med Terje Rypdal, paret Cæcilie Norby og Lars Danelosson med fleire, gjekk festivalen i land med balanse. Jazzen gror i mange åkrar i dette landet. Siste konsert  var med byens Kitchen Orchestra. Og MaiJazz kan hauste grøden i år også.