Dagsavisen.no / Kultur /
Perle frå Odd Riisnæs
Wakenius gjennom E.S.T.
E.S.T. står ikkje for noko utanomjordisk, men svenske Esbjörn Swensson Trio er eit band som utfordrar jazzen. Gitarist Ulf Wakenius tolkar musikken deira på sin måte.
Saksofonist og komponist Odd Riisnæs er ikkje den hyppigaste plateutgjevaren vår, men for eit album han lagar når han først slår til! «Another Road» (Ponca Jazz/Musikkoperatørene) er denne vårens perle, med Riisnæs i den eine delen i selskap med den sterke songaren Jorun Lovise Hansen og ein strykekvartett. I den andre samarbeider Riisnæs og Husan med kammerkoret Via Cantus, dirigert av Danuta Kozon. Mektig og sterkt lyder kor og musikarar i Frogn kyrkje, med utgangspunkt i eit bestillingsverk Odd Riisnæs skreiv for koret, og som dei vann ein pris med i Praha. Det meste på albumet er komponert av Riisnæs sjølv, med unntak av ein vakker versjon av «Who Can I Turn To» med Riisnæs og Husan, pluss dristig bruk av allegro frå Bachs fiolinkonsert i E-dur, med klassisk musikk som utgangspunkt for improvisasjonar frå musikarane. Riisnæs går slike nye vegar, og hans eige saksofonspel er som alltid også ei nyting å høyre på.
Allyson i Brasil
Karrin Allison er ein vokal favoritt frå USA som sidan debuten på nittitalet har levert et titals solide album, og som i 2001 var dristig nok til å syngje inn alle «Ballads»-låtane frå Coltrane-albumet, med bravur. På «Imagina» (Concord/Universal) tar ho steget inn i den brasilianske songboka, og ho gjennomfører stilsikkert, med tonefølgje av Gil Goldstein, Steve Nelson og andre solide medspelarar. Karrin Allison leverer som alltid.
